Aries( Mar 21-Apr 20) Sombaro nang·na gisik suk ong·gijanirang donga;nang·ni nok-dangni manderang nang kosako ong·gen. Na·a asonge cha·pretna siknaba gnang, indiba uan nang·ko suk ong·dapatjawa. Mongolbar-Budbaro na·a kal·susaani aro dakronggijako dakanirang batgen uni gimin na·a jeko cha·ahaoba uarang be·enoni bon·angaigen. Bristibaro na·a salgimikan chokki-tebilo asonge kam ka·anio re·atgen. Sukrobar-Sonibaro chona chona kamrang nang·ni gisikko suakatgen, indiba na·a sketdugae dakoba nang·na neng·nikanirangkosa on·dapaigen. Robibaro na·a saoba gipinna gisik on·skabo.

Taurus (Apr 21-May 21)Na·a saksan joragri ong·engode aro saoba nang·ni namnikbe-gipa sambaon chadenge dongengode, Sombaran uona re·ange uko nang·ona salna nam-gipa sal ong·a. Mongolbar-Budbarde ka·saa-mikchaani gimin ong·jawa, indiba uan sak-gipinni giminsa ong·naba gnang. Saksa sakgipinna bilongen chanchigrikgipa sakgni mande-rangni gisepo kajia ong·aniko na·an namatgipa ong·gen. Bristibar-Sukrobaro nang·na suk-arigipa somoi sokbapilgen. Sonibaro nang·na mikcha-ka·sagipa baksa roani dongso-enga. Robibar sal namgen aro arate rona man·gen.

Gemini (May 22- June 21)Anti a·bachengon na·a bang·a dakna nanggnirangko tariso-enga. Na·a badita uko an·senggipa ong·atna jotton ka·a inditan uko kam chu·sokja gita nikbatgen. Mongolbar-Budbar ripengrangna, chanchianirangna aro gisik ra·bianirangna namgipa salrang ong·a. Bristibaro na·a golpo ka·anirango champengata man·a gita daknik-gen. Sukrobaro nang·ni tarisogimin dakna nanganirangko nipilbo aro anti bon·a skangan amadipet matchotattokna jotton ka·bo. Na·a sal teng·suao chu·gimik an·senge rona sikgen.

Cancer(June 22-July 22) Sombaro na·a an·tangko a·bri ki·tiko dongenga gita nikgen aro na·a chelbearangona nikwatna man·gen. Nang·ni dal·batgipa miksonganiranga chel·ao donggipa a·bri ku·chotrangan ong·gen. Mongolbar-Budbaro na·a salantini gita janggi tangengon ua chel·gipa a·bri ku·chotrangko nang·ni gisiko rakkina jotton ka·bo. Bristibar-Sukrobaro songsalo nang·ni janggi tanganiko tik dakatbo, jedakode na·a man·adipet bang·bata manderang baksa sepangbatna man·gen. Sonibaro rongtalatani aro kobor-rangko ra·ruraani kamrangna somoiko on·bo.Robibaro na·a gong·rakgipa ong·na nanggen.

Leo (July 23-August 23)Nang·ni chanchirakgipa ong·anina Sombaro nang·na nama biterang sokbaskagen. Nang·ni ripeng gitchamna chanchigitike phone ka·ani tiktak namgipa somoi ong·gen. Mongolbar-Budbaro nang·ni wilwilao donggipa manderangna nang·ni ka·sae dakanirang nang·ona changchikung bate sokbaskaenga ine na·a ma·sina a·ba-chenggen. Bristibaroni Sonibarona kingking maiba tangka-paisani bidingrangchi sin·jetako man·e phone ka·ani aro chitti watanirangna somoi dongjawa. Indiba Robibarode ripengskarang, mikcha-ka·saani, golpoe roani aro an·senganirangan gapskagen.

Virgo (August 24-September 22)Sombar jakchakgijagipa ong·gen;bang·a manderang, bang·a chanchianirang, gital mikkangrangko nikanirang donggen. Mongolbar-Budbaro indaken jarachanganirang ong·angkugen. Na·a an·tangko tik ong·e rakkina gita nang·o bil donga gimikko jakkalna nanggen. Bristibar-Sukrobar nambegipa salrang ong·gen. Sonibarode pilak ong·anggiminrangko krae nikgen aro nang·ni dakna skanirangko dakna somoi donggen. Ia anti bon·aniara nang·na maiba orto gnanggipa kamni a·bachengani ong·skagen. Robibar ning·tugipa ong·gen.

Libra (September 23-October 23)Nang·ni meli-ma·gapna aro janggi tangao chonchona bosturangko namnikna changanian Sombaro nang·ni nangbatgipa bilrang ong·a. Nang·ni chanchisoagita ia sal re·angjanaba gnang, indiba ka·donganiko watgalnabe. Ia antigimikan ripengrangchin gapchipgen—Budbaro nang·ko dilgipa gita ra·gipa ripengrang; Bristibaro nang·ni knatimaniko nangnikgipa ripengrang; Sukrobar-Sonibaro, nang·na ka·dingatgipa golporangko agangipa ripengrang. Robibar saloba nang·ni ripengrangan dongchapgen, un baksana nang·ko ka·tong rongchu su·atgipa saoba mandeba!

Scorpio (October 24-November 22)Sombaro nang·o inditan bil bang·gen darangba nang·ko champengna man·jawa. Mongolbar ong·jaoba Budbaro saoba nang·na dal·bata mande baksa adita dal·kale meligrikgijani ong·gen. Uan nang·ni gisikko adita dongsiksakat-gen, indiba suk ong·gijani ta·raken gimaanggen. Antini bangki salrang kusini gapgipa ong·-gen; na·a saoba nang·ni ru·uta salrangna nikgijagipako nikna man·gen. Robibar nang·na neng·takaniko on·gen.

Sagittarius ( November 23-December 21)Sombaro a·a mamungkoba tik ong·ja ba melija gita nikgen. Na·a on·tisa alaksi dake an·tangni skako dakna chol ra·bo. Mongolbar-Budbaro, gipinrangko jakkalna jotton ka·taibo. Antini jatchio kusini donggen;rasong namgipa somoi ong·a, indiba Bristibarde rasonggri. Sukrobar-Sonibaro aiao inmangipa bikpilskaani ong·gen. Nang·ni ka·sabatgipa manderangan nang·ko jara dakatgiparang ong·gen. Robibar pilak saanirangko mangkimatgipa ong·gen. Ka·saani sokbapilgen.

Capricorn ( December 22-January 20)Sombaro na·a rokomari chanchiani aro jumang nikani gisiko gapgen. Mongolbar-Budbaro nang·ni kamo na·a ta·rake nanggipa indiba agre gisik nangatgijagipa neng·nikanirangko man·gen. Britisbaro, maiba chonamang-mangko u·ina man·anian nang·ko ritchengatgen. Sukrobar-Sonibaro na·a chu·sokatani, kam matchotanirangko man·gen. Robibaro namgipa ra·bianirang sokbagen aro uarangko mikkangchakna nang·o bil donggen.

Aquarius ( January 21-February 18)Sombar salo bang·a gitcham gisik ra·anirang nang·ona sokbagen. Nang·ni noko sera-bera dakanirangkoba rongtalatna nanggen. Mongolbar-Budbaro na·a rongtalata matchoton, na·a ru·uta bilsirangna nikkugijagipa maikoba chagronggen. Bristibar-Sukrobaro mamung gital dake nianirangba dongjawa; bading-chiwalani ja·pangrang nang·ko gisik nangatgen, indiba Sonibaro na·a saksa nam-begipa ripengna maiba nama aro nangchongmotgipa kattako agana chol man·gen. Robibar kusi ong·atgipa sal ong·gen.

Pisces ( February 19-March 20) Sombar nang·na indakgipa sal ong·a, jenan na·a tangenga. Ka·saani aro an·saoatanirangan gapchipaia. Mongolbar-Budbarba jumang gita an·sengangkugen, indiba na·a an·tangko morekreke mikrakatna nanggen. Nang·o nang-chongmota dakna nanggnirang donga. Antini gnigipa bako dingtang dingtang nang-rimanirangchi nang·ni salrangko dilgen—aro pangna gitan na·a agre gipinrangni namgijako agane rojaon nambata. Sonibar gipinrangna namna jotton ka·bo. Robibaro gitcham groko chimongebo.